monumenta.ch > Plinius > sectio 141

Word Selection for Searching

Report an Error in this Sectio
Plinius, Naturalis Historia, 37, 141
{LIV} Phyrgiae viridia non habent. Thebis Aegyptiis repertae carent rubentibus venis et albis, hae quoque contra scorpiones validae. eadem auctoritas et Cypriis. sunt qui maxime probent vitream perspicuitatem in his. reperiuntur et in Trachinia circa Oetam et in Parnaso et in Lesbo et in Messene similes limitum floribus et in Rhodo.